| |
|
|
|
|
|
|---|
Παραθέματα
|
| |
1. The earthquake on August 24th, 358
Τούτῳ τῷ ἔτει σεισμοῦ μεγάλου γενομένου ἐν Νικομηδείᾳ περὶ ὥραν τρίτην νυκτερινὴν τὴν πόλιν κατέβαλε καὶ πλήθη πολλὰ διέφθειρεν· συναπώλετο δὲ καὶ ὁ ἐπίσκοπος τῆς πόλεως Κεκρόπιος.
De Boor, C. (ed.), Theophanis Chronographia 1 (Leipzig 1883), p. 45.25-27.
2. The devastation of Nicomedia by a powerful earthquake and its rebuilding by Thodosios II (408-450)
᾿Επὶ δὲ τῆς αὐτοῦ βασιλείας ἔπαθεν ὑπὸ θεομηνίας Νικομήδεια, μητρόπολις τῆς Βιθυνίας, τὸ πέμπτον αὐτῆς πάθος ἑσπέρας βαθείας καὶ ἀπώλετο εἰς γῆν καὶ εἰς θάλασσαν καταποντισθεῖσα. καὶ πολλὰ ἔκτισεν ἐκεῖ καὶ τὰ δημόσια καὶ τοὺς ἐμβόλους καὶ τὸν λιμένα καὶ τὰ θεώρια καὶ τὸ μαρτύριον τοῦ ἁγίου ᾿Ανθίμου καὶ πάσας τὰς ἐκκλησίας αὐτῆς.
Thurn, I. (ed.), Ioannis Malalae Chronographia (CFHB 35, Berlin 2000), pp. 283-4 §20.
3. An account of the destructive earthquake of 554
Εν δὲ τῷ αὐγούστῳ μηνὶ τῆς δευτέρας ἰνδικτιῶνος ἐγένετο σεισμὸς φοβερός, ὥστε παθεῖν οἴκους πολλοὺς καὶ λουτρὰ καὶ ἐκκλησίας καὶ μέρη τῶν τειχέων παθεῖν ἐν Βυζαντίῳ. … . ἐν αὐτῷ δὲ τῷ φόβῳ καὶ ἄλλαι πόλεις ἔπαθον, ἐν οἷς καὶ Νικομηδείας μέρος καταπεσεῖν. ἐκ δὲ τῶν συμπτωμάτων Νικομηδείας καὶ μεθ' ἡμέρας τινὲς ζῶντες ἀνηνέχθησαν. ἐπεκράτησε δὲ ὁ αὐτὸς σεισμὸς ἡμέρας μ′.
Thurn, I. (ed.), Ioannis Malalae Chronographia (CFHB 35, Berlin 2000), p. 416 §118.
4. Constantine the Great dies in Nicomedia
Μετὰ δὲ ὀλίγον καιρὸν ἐτελεύτησεν ὁ αὐτὸς βασιλεὺς Κωνσταντῖνος ἐν Νικομηδείᾳ τῆς Βιθυνίας, ὡς ἔστιν ἐν προκέσσῳ, ἐν προαστείῳ τινὶ λεγομένῳ ᾿Αχυρῶνι πρὸ ὀλίγου διαστήματος τῆς πόλεως, ἀῤῥωστήσας ἡμέρας ἕξ...
Thurn, I. (ed.), Ioannis Malalae Chronographia, (CFHB 35, Berlin 2000), p. 248 §14.
5. The philanthropic activity of the metropolis of Nicomedia in the time of Theophylaktos
(8.) Καὶ ὁ μὲν τούτων Μιχαὴλ ὁ ἱερώτατος τὴν Συνάδων, ὁ δὲ ἅγιος πατὴρ ἡμῶν Θεοφύλακτος τὴν Νικομηδέων ἔλαχε διϊθύνειν μητρόπολιν … οἴκους γὰρ ἀνεγείρας ἐν ταύτῃ τῇ πόλει διωρόφους, καὶ εὐκτήριον ναὸν ἐπ’ ὀνόματι τῶν ἁγίων καὶ θαυματουργῶν Ἀναργύρων Κοσμᾶ τε καὶ Δαμιανοῦ ἐν αὐτοῖς δειμάμενος κάλλιστον, κλίνας τε καὶ στρωμνὰς ἀποθέμενος τούτοις, καὶ ὅσα τοῖς δεομένοις ἐπαρκεῖν οἶδεν ὁ λόγος, ἀπόμοιράν τε οὐκ ὀλίγην αὐτοῖς προσκυρώσας, περιφανὲς φροντιστήριον ἀπετέλεσεν, ἰατροὺς καὶ ὑπηρέτας καταστησάμενος καὶ τὴν ἄλλην ἅπασαν χρείαν, ἧς ὁ ἐνδεὴς ἐπαρκεῖται λάος· ὅπερ ἰατρεῖον ἐξ ἐκείνου καὶ μέχρι τῆς δεῦρο περίεστι, τὸ πρὸς τοὺς δεομένους εὐσυμπάθητόν τε καὶ φιλάνθρωπον τοῦ πατρὸς σαφῶς ἐνδεικνύμενον. Χηρῶν γὰρ ἀνὴρ πνεύματι, καὶ πατὴρ ὀρφανῶν, καὶ τῶν καθ’ ἥντινα αἰτίαν ἀπορουμένων, ἐλέους χορηγὸς δαψιλέστατος ἐγνωρίζετο· καὶ τούτων πρὸς ὄνομα, γένος, πατρίδα, ἰδέαν, ἐγγράφως ἐκθέμενος, ἑκάστῳ μηνὶ τὴν τροφὴν πᾶσιν ἐδίδου ἀπαράσπαστόν τε καὶ ἀδιάλειπτον, ὃ καὶ εἰσέτι διετηρήθη παρὰ τῶν κατὰ διαδοχὰς ἱερατεύειν ἐκεῖσε λαχόντων. Ταῦτα μὲν οὕτως.
Vogt, S. (ed.), “Saint Théophylacte de Nicomédie”, Analecta Bollandiana 50 Βίος Θεοφυλάκτου, ed. S. Vogt, “Saint Théophylacte de Nicomédie”, Analecta Bollandiana 50 (1932), p. 75 §8. (BHG 2451).
6. The Book of the Eparch forbids the purchase of meat from Nicomedia, because of the high
Οἱ μακελάριοι μὴ συναντάτωσαν τοῖς ἀπὸ τῶν ἔξωθεν ἐρχομένοις προβαταρίοις τοῖς τὰς ἀγέλας ἐμπορευομένοις καὶ εἰσάγουσιν ἢ ἐν Νικομηδείᾳ ἢ ἐν <τῇ> πόλει, ἀλλ’ ἐν τῷ πέρα τοῦ Σαγάρου, ὡς ἂν εὐωνοτέρα ἡ πρᾶσις τοῦ κρέατος ᾖ, δηλονότι τοῦ ὀφειλομένου κέρδους τοῖς σφάττουσιν ἐγγινομένου, ἀλλὰ μὴ τοῖς ἐμπόροις.
Das Eparchenbuch Leons des Weisen, ed. J. Koder (CFHB 33, Wien 1991), ch. 15.3, p. 124, 15.3.
7. Nicomedia as a military base under Alexios I Komnenos (1081-1118) during the campaigns of 1116 against the Sejuks
Διὰ ταῦτα τὴν Νικομήδειαν ἀναζητήσας, ὡς εἴρηται, καὶ καταλαβὼν τοὺς συνεφεπομένους αὐτῷ ἅπαντας τῶν στρατιωτῶν εἰς τὰς ἐγγύθι κωμοπόλεις κατέθετο, ὡς οἵ τε ἵπποι καὶ τὰ ὑποζύγια τροφὴν ἀποχρῶσαν ἔχοιεν, τῆς Βιθυνῶν γῆς πολὺν τὸν χόρτον ἀναδιδούσης, καὶ αὐτοὶ δὴ οἱ στρατιῶται ῥᾳδίως ἀπό τε τῆς Βυζαντίδος καὶ τῶν πέριξ διὰ τοῦ παρακειμένου κόλπου ἀποχρῶντα τὰ πρὸς χρείαν κομίζοιντο, ἐπισκήψας αὐτοῖς ὅλῃ γνώμῃ πολλὴν ἐπιμέλειαν τῶν ἵππων καὶ ἀχθοφόρων κτηνῶν ποιεῖσθαι, καὶ μηδ' εἰς θήραν μηδ' εἰς ἱππηλάσιον τὸ παράπαν ἐξιέναι, ἵνα καιροῦ καλοῦντος πίονες ὄντες τοὺς ἐπιβάτας εὐχερῶς φέροιεν καὶ πρὸς τὰς κατὰ τῶν ἐχθρῶν ἱππασίας χρήσιμοι αὐτοῖς εἶεν.
Anne Comnène Alexiade 3, ed. B. Leib (Paris 1943), pp. 193-6.
8. Emperor Andronikos III (1328-1341) is bound to pay to Orhan 12.000 hyperpyra by year for the fortresses of Mesothynia, from Nicomedia through to the capital
1333/6841 αυγούστω <...>, ινδικτιώνος α', απήλθεν ο βασιλεύς μετά κατέργων εις την Nικομήδειαν και εγένετο αγάπη μετά του Όρκανι. και έταξεν ο βασιλεύς τελείσθαι αυτόν κατ’ έτος υπέρπυρα χιλιάδας ιβ', ένεκεν των κάστρων της Mεσοθυνίας, από την Nικομήδειαν μέχρι της Πόλεως.
Chronica Byzantina Breviora, ed. P. Schreiner (CFHB 12, Wien 1975), no. 8/27.
9. The Ottomans siege Nicomedia again in 1334
Νικομήδεια δὲ ὅπλοις μὲν ἀνάλωτος ἦν καὶ βίᾳ χειρῶν, τειχῶν τε καρτερωτάτων περιβολῇ καὶ τῇ ἄλλῃ τοῦ τόπου φύσει εὐφυῶς πρὸς ὀχυρότητα ἐχούσῃ· ἐδεδίει δὲ τὴν ἔνδειαν τὴν ἐκ τοῦ σίτου.
Schopen, L.P. (ed.), Ioannis Cantacuzeni Eximperatoris Historiarum Libri IV 1 (CSHB, Bonnae 1831), p. 459.
10. The fall of Nicomedia to the Ottomans in 1337
Εν δὲ τούτοις ἀσχολουμένου τοῦ βασιλέως, ἑάλω καὶ ἡ τῶν Βιθυνῶν μητρόπολις Νικομήδεια, τῷ πολλῷ καταπονηθεῖσα λιμῷ, διὰ τὴν ἐπίμονον τῶν ἐχθρῶν πολιορκίαν.
Schopen, L.P. (ed.), Nicephori Gregorae Byzantinae Historiae Ι.3, (CSHB, Bonnae 1829), p. 545
|
|---|
| |
|
|
|
|